彭浩翔導演嘅新片《春嬌與志明》月尾會喺香港同內地上映，前日佢就同戲中嘅內地女演員楊冪去咗北京大學開講座做宣傳。作為前作《志明與春嬌》續集，導演話想喺《春》片入面呈現普羅大眾嘅愛情觀。喺戲裏面不時要晒事業線嘅楊冪，被問酬金係咪相等？佢話：「我是職業演員，不是賣肉。」個答案令在座唔少大學生都喝采。