在追查「峨眉派」騙案中，記者曾接觸另一受害人楊先生（化名），楊母投資金額超過100萬元，更獲封十三太保。楊先生直言起初沒想過事件這麼嚴重：「諗住陪佢上珠海睇下，去到一個民居，負責人陳總着住件睡袍走出嚟，話我阿媽等住做行長，一睇就知呃人。」
豈料楊母不但忠言逆耳，還繼續向兒子討錢，兒子除了大幅縮減家用外，惟有向司警報案。「點知司警話我唔係受害人，我阿媽又唔承認自己被騙，無辦法查。咁係咪要我攞十萬八萬出嚟，專登畀佢哋呃，你班司警先至肯做嘢？」
無法追討 議員質疑
前年司警拘捕峨眉派騙徒，楊生隨即拿報道給母親看，誰知母親出示騙徒短訊，「話『真金不怕熊爐火』，最終檢察院真係判佢哋無罪。早兩日，本地新聞又報道有師奶畀峨眉派呃咗250萬。家我哋惟有自求多福，靠弟妹做『無間道』防止阿媽再被騙。」
曾協助苦主的澳門立法會議員高天賜，不願評論司警及檢察院基於甚麼理據放生疑犯，他坦言：「當初咁大件案，竟然無聲無息咁了結，背後一定有原因；我最關注有家屬聘請咗律師，到最後竟然唔能夠幫佢哋保住物業或者追討損失。」
《蘋果》記者