咖啡王子陳豪去年一償心願與友人在大馬合資開咖啡店，希望開拓其咖啡事業，可惜咖啡店開業不夠一年便玩完。不過，失敗乃成功之母，陳豪對未來仍充滿信心，他說：「吸收咗啲經驗，力不到不為財，深信要親力親為先至得到成果。」
陳豪為無綫主持全新一輯的《品味咖啡》於周日晚推出，今次他先後到牙買家、巴西、越南和澳洲拍攝，由於陳豪一向是咖啡癡，今次咖啡之旅既可增廣見聞，又可帶生咖啡豆返港研究烘培，認真大豐收。
陀槍保鑣護身
巴西里約熱內盧被指為罪惡之城，陳豪坦言出發前也曾擔心治安問題。陳豪日前接受訪問時說：「無綫攝製隊要聘請荷槍實彈的保安全程保護，其實除澳洲之外，大部份種咖啡嘅地方都算係第三世界國家，當地旅遊局都會提醒你要顧及安全，好在我哋去過咁多個地方都冇遇過任何不愉快事件。」
去年4月陳豪與友人在馬來西亞開設咖啡店，原來開業不夠一年便已結業。陳豪說：「冇搞啦。同人合作做生意就係咁，自己第一次，吸收咗啲經驗。」對於損失多少，陳豪拒絕透露，但據悉也逾十萬。
蝕本無損熱誠
陳豪淡然說：「賺蝕都唔講啦！總之吸收咗啲經驗，力不到不為財，深信要親力親為先至得到成果，全部嘢唔可以架空，一定要清楚步驟。」第一次便告失敗，未有打擊陳豪後開咖啡店信心，他笑言：「我對咖啡熱誠只會有加冇減，我係追求咖啡質素，希望提升到最高。嚟緊我都諗住喺香港搵地方，希望呢一、兩年內可以喺香港開到。」
採訪：戴彩煥