馬國明早前承認曾跟胡定欣拍拖，可惜分手收場，早前本報發現胡定欣在馬國明主演的無綫劇《OnCall36小時》內客串六秒，出招翻撻男方。昨日馬國明現身宣傳被問到翻撻一事，他直言覺得目前與定欣做朋友比較舒服，擺明請女方食檸檬。
無綫劇集《OnCall36小時》已進入尾聲，一眾演員馬國明、楊怡、羅仲謙和黃智雯等，昨日在柴灣一間中學與學生進行籃球友誼賽，比賽時正值學生午飯時間，故吸引全校師生圍觀。
擺曾華倩上枱
在劇中射籃球幾乎全中的馬國明，被楊怡踢爆其實不懂打籃球，馬國明說：「拍10個take都撞正入兩球，呢啲係拍戲技巧，喺剪接角度就一就。」比賽時羅仲謙追波追到跌倒，馬國明又誤撞學生，反而由趙希洛射中一球三分波，不過藝員隊最後以7比18輸給學生隊。
對於被本報發現舊愛胡定欣在《On》劇客串六秒，馬國明在賽後受訪時說：「佢唔係探我，唔關我事。」會否翻撻及有復合機會？馬國明坦言：「真係唔知，順其自然，每個人對朋友同另一半嘅要求都唔同，我覺得家做朋友幾舒服，不過將來嘅嘢冇得預知，話唔定第時話我同曾華倩復合。」記者隨即指當日馬國明沒承認和曾華倩的緋聞，馬國明即澄清：「寫啫，所有緋聞男女都可以復合，總之要多謝監製，畀嗰六秒做咗頭條。」
羅仲謙屁股厚
至於比賽時跌倒臀部着地的謙仔則笑說：「好彩我屁股肉厚，有避震，冇事。」記者叫謙仔不如攬着緋聞女友楊怡一同射球，謙仔笑說：「我邊有咁多手呀。」
採訪：黃曉妍 攝影：葉君海