「上海仔」一夜成名，變身飯局紅人，上海仔效應之下，香港出現：
a飯菜極速中國化，繼深圳李嘉誠豬骨粥、重慶李嘉誠豉油麪之後，上海仔也插旗霸地盤，很快會有山寨版上海仔獻世，政商兩界，人人有份，他們叫粢飯套餐，市民付鈔。
b「上海仔」做硬上海菜代言人，正宗上海仔炮製枱底黑材料上海菜，以地溝油抹黑對手，政客個個like。
c上海仔出晒名，奇在鄉紳名流個個夾過口供似的，說不認識他。上海同鄉條氣點會順？豈有此理，即刻湧港，掃晒上海灘和D&G，掟貨唔買新界樓，杯葛唔食圍村菜！
d上海仔高調現身，是要警示全港有感情缺失的麻甩佬，既然上海仔來了，上海婆還不會自由行嗎？對上海妹心存幻想的維園阿伯，盡早死了條心。
e有立場的傳媒確認，上海仔，絕對唔係雙非，亦唔係某某的私生子。
f上海仔接受專訪還擊，說自己唔識豬狼，最想跟港女做朋友，自誇他們上海幫有銀用，名副其實是習總說的兄弟同金。