歐陽妙芝昨日帶同兩個可愛兒子到九龍灣，支持日本地震重建賑災活動，自言是日本迷的她表示願意再遊日本，不過因為要追龍B，夫婿方時俊已下禁令。妙芝雖然去年經歷小產，但一屋男士都恨有女家庭成員，身為潮州人的夫婿更提議老婆找醫生幫忙，她笑言不希望自己月事來臨。
歐陽妙芝、周汶錡（Kathy）和琦琦等昨日現身九龍灣德福廣場，支持好友為日本地震出書支持重建慈善活動。妙芝帶同囝囝玉丞及玉亨到場打氣，問到會否帶囝囝到日本東北體察，她說：「災後本來10月會去大阪，後來大仔有意外，行程取消咗，佢哋細個，唔知輻射對佢哋影響有幾大，我自己係日本迷，做模特兒嘅時候，一年去成五、六次，成年冇去我都身痕，我一個人去冇所謂，不過老公唔畀。」
自我催眠
問到妙芝老公下令禁去日本，是否因為想她留港追龍女，她表示：「老公鍾意龍B，都希望呢幾個月成功，應該五月前趕得切，不過生BB都係天意，大家都恨生女，囝囝有話要妹妹，我老公係潮州人都有叫我問吓醫生有乜嘢方法、同醫生研究吓，我同自己講叫自己呢幾月M唔好嚟。」
Kathy傷感
此外，Kathy透露去年八月去過東京，她表示：「睇返災後圖片都好傷感。」問她會否更加珍惜男友，她說：「兩回事，關心係由心出發，要用行動激發身邊人做嘢。」Kathy表示男友沒有擔心她去日本，她說：「冇諗呢啲嘢，件事都發生咗，要驚全世界都會驚。」
採訪：林嘉慈 攝影：仇志德
