沒有轟烈的劇情、驚人的舉動，85歲的何枝如電影內的桃姐一生默默付出，50年的媽姐生涯，她跟一手帶大的少主淡淡然的相處，織出濃濃的人味故事。
那些年主僕相親相愛
枝姐21歲由番禺來港打工，「兩個妹妹都結咗婚，冇太多餘錢，我就要去搵錢養父母囉。」30歲入張家打工，照顧兩星期大的少主張蔚泉（Clara）。Clara轉眼30歲，在她眼中，枝姐善良不貪心又聰明，「細個時枝姐為咗我洗頭，會將木板放喺浴缸，另一邊放水盤，我瞓喺上面就好似去salon咁。」枝姐不懂煮飯，但知Clara喜歡吃粉果，又嘗試自製粉果。做粉果皮要用熱水開豆粉，她回想，「阿囡嗰時讀小學，佢見我隻手紅晒，企隔嚟幫我撥扇」。
枝姐早被視為張家一分子，有次肺炎住院16日，太太、Clara的婆婆和姑婆等亦多次來探病。Clara和枝姐感情深厚，她日前獲聖雅各福群會安排，和枝姐去看《桃姐》慈善優先場，枝姐說：「阿囡好似女版劉德華，成日拖住我，去到邊都拖住我。」
媽姐終身不嫁，晚年只能依靠自己。她現時居於電器道一個自置的單位，「有得食有得住，過得去算係咁」。《蘋果》記者