今個月23號係蕭正楠35歲生日，噚日佢同班fans喺九展開生日會，梅小菁仲以神秘嘉賓身份現身。講到生日願望，今年入行10年嘅蕭正楠話想買樓同開迷你演唱會，佢仲話想多啲返內地拍劇搵銀：「今年都有內地劇，但就撞添哥（李添勝）套《神探哥倫布》，聽聞呢套係添哥最後一套劇，所以梗係以添哥行先，錢可以遲啲搵。」