英超上周六踢嘅兩場護級大戰，昆士柏流浪（QPR）作客輸畀保頓1:2；狼隊主場就以0:2不敵布力般流浪，搞到家榜尾形勢七國咁亂。
QPR喺對保頓呢場，原本係先開紀錄嘅一隊，不過上半場QPR後防曉爾嘅頭槌攻門，皮球過晒白界（圖），但球證就睇唔到，間接令球隊輸波。QPR主帥曉士固然不忿，佢同一班球員返回倫敦途中，喺火車站仲同QPR球迷發生激烈罵戰，幸好事件冇進一步演變成衝突。
而狼隊喺主場輸波，當然令球迷非常失望，賽後仲有班不滿嘅球迷喺球場外意圖襲擊狼隊中場奧哈拉（小圖），同帶埋囝囝入場打氣嘅未婚妻丹妮莉；奧哈拉喺twitter就鬧爆班球迷：「我當時手上抱住我囝囝，嗰班人竟然想傷害我哋，極度可恥！」