曾與陶喆傳過緋聞的岑潔儀（Zoey），與馬來西亞華僑Dixon新婚三日即回港再披婚紗，昨日與「甜姐兒」丁樂鍶（丁丁）及影壇新人吳千語等在灣仔會展行婚紗騷。Zoey更大騷過百萬的五卡鑽石婚戒，並笑言再穿婚紗已無感覺：「一路都冇感覺，做到麻木，之前更加諗過着便服結婚。」
丁丁證春卷開心
記者問Zoey是否雙喜臨門？她即笑言：「未，想做多啲嘢，兩年後先生，要爭產房床位同學位都好辛苦。遲啲都會幫王維基開劇，過幾個月後會去馬爾代夫度蜜月。」
提到李思捷近日屢傳女新聞，亦有指思捷曾借醉騷擾Zoey，Zoey劃清界線說：「唔想答，今日講開心嘢。老爺唔鍾意，又唔識香港新聞運作，唔明新抱點解同第二個男人有關，雖然冇鬧，不過要劃清界線，驚老公呷醋，要同男性絕緣。」另外，作為思捷女友王寶寶（春卷）好友的丁丁透露，春卷近日生活開心，她說：「都唔知思捷搞乜事，我同寶寶行街生活OK，好開心，聽佢話思捷對佢好好。」
採訪：林嘉慈
攝影：陳俊強
