曼聯門將迪基亞話，佢同女友都好鍾意自己留鬚個look，所以決定要等到曼聯捧走聯賽冠軍，或者西班牙攞到奧運金牌，先至會剃鬚。不過，英國《太陽報》就相當唔畀面，大潑冷水，話迪基亞分分鐘下季都要拖住把長到落心口嘅鬍鬚比賽（圖）。其實諗番，曼聯𠲖家爭標形勢唔太樂觀；而奧運都有唔少勁旅，好似強陣出擊嘅英國隊咁，西班牙都唔係攞硬金牌。