何佩瑜（Jeana）、單立文、詩雅等前晚在將軍澳電視城錄影《五覺大戰》，Jeana刻意穿著密實，她解釋﹕「話晒係電視節目，一家大細都會睇，所以要密實啲。不過都係時候積極減肥，因為夏天要著短褲。」
Jeana表示玩遊戲時最怕入黑房，她說只想摸金剛patpat﹕「好緊張，都唔知摸到邊個。如果要喺三位主持人裏面揀，我寧願摸到金剛，因為佢係單身，摸到都冇咁尷尬，加上佢啲台灣腔好得意、好搞笑。」
寸Phoebe擺架子
早前許穎（Phoebe）拒抗與後輩模合照，Jeana自言為人冇架子，歡迎任何人跟她影相。另外，詩雅近日屢遇不快事，她說﹕「最近屋企發生好多事，有人病，又有人過身。」問是否需要沖喜？她說﹕「遲啲開新戲就當沖喜。」
採訪﹕王連連 攝影﹕陳俊強