雖然中央不支持特首選舉流選，但有政界人士指出，部份挺唐選委經過兩會期間向中央相關人士「摸底」，以及評估梁營牽涉黑金政治風波後的最新形勢後，發現他們一旦投白票引致流選，面對的政治後果遠較讓梁振英上台低；就算中央現要「㩒掣」挺梁，相信不少反梁的商界及建制派也會拒絕聽命。
有政界中人指，有挺唐人士在兩會期間向中央告狀，指梁營有人不顧中央的「君子之爭」要求，四出散發唐的「黑材料」，但中央似乎對此無能為力，「佢哋（中央）話問過梁振英，但梁否認一切同佢有關，又話係其他人做，有人要搞抹黑都冇辦法」。
「商界最怕黑社會」
中央態度令部份挺唐人士十分不滿，「原來破壞遊戲規則，中央係唔會懲罰」。結果令部份挺唐人士更堅決要投白票，「既然梁營玩抹黑、唔聽中央講可以冇事，為乜我哋投白票會有事？」
有指中央堅拒流選，是避免開了這個「缺口」後，特首選舉屆屆有流選可能，嚴重影響中央管治。
但有政界中人分析，中央考慮中途換走前特首董建華時，也擔心會成為先例、後患無窮，但中央最終仍決定易角，足證「缺口」非關鍵考慮因素。
挺唐人士反對梁當選的另一原因，是近日黑金醜聞揭發，梁的支持者劉夢熊疑透過江湖中人收集唐黑材料，有挺唐人士指：「商界唔怕民主派、唔怕共產黨、最怕黑社會。」因為一旦有黑勢力介入政商界，會扭曲政治生態，商界也擔心影響個人及家人的安全問題，坦言「政府要告商界，大家可以鬥搵律師，喺法庭解決；若果搵黑社會搞我哋，真係唔移民唔得！」《蘋果》記者