樓市近排終於見番啲曙光，某啲藍籌屋苑更創新高，前幾日有讀者見到一個破紀錄嘅超癲價盤，地點唔係中半山或者係九龍站上蓋嘅物業，位置係上水，一個近700呎單位，月租都要成「$9500萬」！？可能近排地產代理太忙，一時大意，打多咗個「萬」字。早前華華見到另一間地產代理嘅新聞稿，就咁啱打少咗個「萬」字，一個將軍澳屋苑嘅兩房海景戶賣「$350」，相信都係偶爾失手，得啖笑啫。