【食腦上位】黑幫和勝和新任坐館「阿Me」並不像過往多屆坐館一樣，只靠一對拳頭打出天下，而是憑「食腦」上位。在新西蘭定居、讀大學，連妻子亦是外籍人士，顯得他與幫中其他「土炮」格格不入，但因說得一口流利英語，人又聰明，07年回流返港後立刻得到幫中大佬嘗試，與幫中大將薯仔過澳門搵食，並全力協助薯仔登上坐館之位。
「其實當時都有人搵佢出嚟選（坐館），但佢為咗幫薯仔，咪留番今屆先選。」
財力和勢力缺一不可
幫會中人稱，阿Me是想在數年內爭取到足夠人脈及金錢支持。因為要爭做坐館，除了要有功績外，亦一定要夠「熱心」，社團兄弟有事相求，一定要盡力協助，這樣才會得到幫會兄弟支持。此外，還要有財力，「選坐館真係使唔少錢，搞飯局宴請幫中兄弟同其他社團大佬在所難免，有時仲要送禮，選一次隨時花費一百萬，如果唔係個個都走去選啦。」
因此，密謀角逐坐館的阿Me，除了「正職」做睇場和收陀地之外，副業便是投資，除了投資酒吧和麻雀館，亦在九龍城和大圍經營雞煲生意，並在深水埗和油麻地經營菜檔和凍肉舖，最近有計劃在新界投資骨灰龕場，「佢會將行蠱惑賺番嚟嘅錢投資做正行生意」幫會中人稱。
大佬受感染紛開食肆
上周三，記者到大圍田心村一間由阿Me經營的雞煲店視察，該店生意十分火旺，晚上7時多已坐滿客人。阿Me除忙於打點店務外，還不時與客人寒暄交談。相信很多食客也估不到，眼前這位雞煲老闆，竟然是第一大黑幫的新任坐館。
其實，和勝和上屆坐館和揸數，亦在感染下，紛紛投資搞食肆，上屆坐館雙鷹青，在深圳福田區開茶餐廳，其中在水圍的「翠華茶餐廳」，做得有聲有色，「佢（雙鷹青）成日都會在舖頭打點事務，始終係正行生意，一定要親自落手落腳做。」幫會中人稱，勝和上屆揸數寶明亦有投資食肆，在太子和深水埗經營專賣中式點心的餐廳。《蘋果》記者