同球迷闊別咗3個月，新一季嘅日聯開鑼嘞！幾支爭標熱門都冇咩霸氣，名古屋鯨魚已經係發揮得最好嘅一隊，主場靠約舒亞堅尼地嘅12碼，險勝清水心跳1:0。至於大阪飛腳同鹿島鹿角更加齊齊輸波，前者主場不敵神戶勝利船2:3（圖），而後者就作客以0:1敗於仙台維加泰腳下。衞冕嘅柏雷素爾喺今日會迎戰橫濱水手，唔知又會打成點呢？