鍾嘉欣、Moiselle太子爺陳柏熹等前晚現身金鐘港麗酒店，出席崇德社活動。鍾嘉欣透露以纖體代言人身份出席，記者問到她甚少去Ball，會否乘機認識有米男朋友，她表示：「係少去，不停拍劇，冇諗過，亦都唔會，朋友都知我唔會特別識有錢人，睇對方心地，要照顧到我，冇話多唔多錢。」
自言單身的嘉欣被問到之前與伍允龍的緋聞時，她表示：「關係依然好，進一步唔講，呢啲係私隱，講呢啲唔識應對傳媒。」拍拖會否公開，她謂：「穩定先公開，秘婚都唔會，會開心請大家飲。」
此外，陳柏熹剪了超短的平頭裝髮型，他透露：「會幫大學朋友拍藝術短片，做監犯嘅角色，復活節返英國拍。」問到會否三點盡露，他笑言：「第三點點都唔會露，套戲係focus喺表情，我要喊，俾人虐待。」
採訪、攝影：林嘉慈