日本尊尼事務所人氣組合「嵐」主持嘅遊戲節目《VS嵐》喺日本大受歡迎，本來買咗版權嘅無綫安排噚晚10點半喺J2台播出，點知佢哋突然抽起，搞到好多fans好激氣，除咗喺網上鬧爆無綫，仲有人寫電郵去報館投訴。無綫外事部解釋話，係日本方面要求押後推出，無綫惟有順應要求，並希望能夠盡快安排播出日期。