陳茵媺、黎耀祥和米雪等無綫劇《大太監》等演員，前晚在銅鑼灣夾錢請一班幕後工作人員食飯，監製和曾勵珍均有出席。祥仔透露香港戲份已完成，下周一（19日）將赴橫店拍攝。
陳茵媺表示今趟是第一次到內地拍劇，男友陳豪亦有畀貼士，叫她買薄身內衣及風褸保暖，問陳豪有沒有為她準備平安藥包？她笑說：「最好唔好用啦，我都唔會亂出街，只會跟大隊。」
黎耀祥在劇中飾演太監李連英，問他演繹娘娘腔可有難度？他笑說：「唔一定好嗲，可能大家對太監有所誤解，我都演得中man㗎。」對於楊思琦未婚產女，祥仔說：「以前甄妮姐姐都係咁，加上呢個年代容易接受啲，最重要大家開心。」
採訪、攝影：楊潔雯