王君馨前晚喺尖沙嘴為印度片《四天爆笑婚禮》嘅首映做司儀，為咗唔好講錯啲印度名，佢背咗成晚。君馨話當年喺波士頓讀大學，識咗唔少印度朋友，由於君馨皮膚有啲黑，都有人以為佢係印度人。問君馨如果識咗個印度男仔，介唔介意發展異國戀？佢話：「唔介意，我都同過白人同韓國人拍拖。」君馨仲讚印度男仔又nice又靚仔，都唔錯喎。