鄧麗君（小鄧）雖然逝世多年，但紀念活動依然不絕，噚日杜惠東同鄭穎芬等喺尖沙嘴舉行記者會，宣佈4月23號喺香港大會堂音樂廳舉行「紀念鄧麗君演唱會」，顧問杜惠東話今年係鄧麗君逝世17周年同60歲冥壽，鄧麗君哥哥想將妹妹創造嘅歷史，申請為世界紀錄，除披頭四外，佢擁有最多歌迷估計有十億，同埋世界各地擁有最多墳墓同紀念館等。