【本報訊】中大精算學二年級男生在港鐵車廂內，對17歲學生妹揑臀非禮，當場被擒。他昨出庭認罪兼自行求情，直認身為尖子，因不敵與人持續競爭，承受壓力下淪為鹹豬手，裁判官忍不住連番教訓：「最有壓力係幾萬名將於下周應付考試既高校生。」
聲稱因壓力犯案
着上西裝、手揸皮包應訊的被告陳錦騰（23歲），在主任裁判官馬漢璋查詢下，自爆為中大精算學二年級學生。馬官隨即表示：「一般尖子先可入到（讀精算）。」陳迅速回答：「都係。」按網上資料，陳當年於高考獲得3A1C佳績，成為母校的高校狀元，兼獲純粹數學、應用數學科成績優異獎及學業成績獎。
陳續稱對犯案已感後悔，選擇不聘用律師基於「我親手犯案，求情我親口講就得。我傷害女事主，亦令家人及朋友失望」。陳上有父母、三名姊姊及一名哥哥，形容家人關係不錯。不過，昨日陳的家人沒有到庭，引起馬官注意：「你真係有對佢哋講？」陳略為遲疑，說：「轉折咁講，只有阿哥知道，講畀佢女友聽轉告阿哥，因為尷尬。」陳補充自己以往身家清白，望獲輕判。
馬官忽然轉換話題：「你有三個姐姐，有朝一日佢哋喺交通工具上畀人咁對待（非禮），你會唔會嬲？」陳答：「我諗我會。」馬官追問：「點解你咁對人？」陳解釋：「唔知點解，可能近排不斷要同人競爭，有壓力，一時邪念下犯案。」
馬官直言，不接納以有壓力為犯案理由。他斥責陳：「事主係一名17歲小妹妹，你去蝦佢，（你的行為）對佢好羞辱。」馬官決定押後至本月30日宣判，以候感化官報告，期間將陳還柙。
案發本月4日晚上8時許，事主搭東鐵線列車往新界，在車廂內面向車門站立，陳站在她身後。當列車抵達大圍站時，事主感到右臀被人揑着數秒，遂轉身，見被告正縮回右手兼離開車廂。事主截停陳質問，陳沒回應，於是報警。
案件編號：STCC1226/12