諸葛紫岐（Marie）雖已註冊成薛嘉麟太太，但他們的盛大婚宴於本月20日才舉行。Marie早前跟老公拍了浪漫滿分的婚紗照，新娘子同時又發表愛的宣言，承諾會包容和愛護老公一生一世。
諸葛紫岐早前已跟Neway二少薛嘉麟秘密註冊，一對新人將於本月20日在會展大排筵席，他們日前已拍了婚紗照，新娘子先後換了五個造型，二人幸福滿瀉。Marie大讚老公對她包容和愛護，更容許她保留低B真我個性。
鍾情搞笑樣
新娘子婚紗由Marie代言的「希臘女神」贊助，為求特別，所有婚紗和晚裝都是Marie與設計師一起設計，薛嘉麟知道是太太心血，對每件靚衫也讚不絕口。Marie說：「之前拍廣告經常着婚紗，以為到結婚時再着會冇感覺，原來感覺唔一樣，好興奮好期待。」
拍攝婚紗照當天，為了爭取時間，Marie和薛嘉麟選擇在室內取景，全程八小時，拍慣廣告的Marie應付自如，但薛嘉麟最初表現有點不自然，要老婆教路。Marie在電話中說：「我哋平時影相，好少影得好正經，我哋鍾意影搞笑樣，主席（薛嘉麟）好唔慣，我哋係咁笑唔停，攝影師最後下令要我哋收歛啲，於是我哋就控制吓自己囉。」
天生夫妻相
穿上婚紗的Marie明艷照人，老公薛嘉麟情不自禁流露出一臉幸福相，驟眼看去，其實二人都甚有夫妻相。
已升呢做薛太的Marie直認被老公錫到燶，她說：「好多謝我先生一直咁包容、愛護同支持我，佢教識咗我好多嘢，性格上我都唔可以話低B，但鍾意搞笑囉，佢都肯陪我玩，真係好難得。」為了答謝好老公，Marie承諾會同樣包容老公。
採訪：比華利