宅錄：Keep住按消水腫　夏天露一腿！

講到對腳，有研究指出，我哋每人一生平均走約四十萬公里路，相當於環繞地球赤道五周！好多人返工更加可能要企足成日又或者行足成日，女士們仲好可能每日都要着住對高踭鞋出動，對腳咁辛苦，係時候按摩吓佢，等佢放鬆番！

記者：陳家蕊
攝影：黃子偉、伍慶泉
Model：Kinki、Kara@PureModels
鳴謝：杜宇春中醫診所（23886491）

高踭鞋　美腿越着越粗

每日又行又企，其實腳掌好受壓力，而且好易令腳部肌肉及關節勞損，令血氣不運行、雙腳腫脹；尤其愛着高踭鞋的女士，更會令小腿外側肌肉拉緊，久而久之小腿就越嚟越粗！中醫師杜宇春就話，只要有適度揉捏、震動，可消除肌肉緊張同促進血液循環，改善水腫問題；持之以恆，再加適當帶氧運動，腿部的線條一定變得更靚！市面就出咗好多專門針對腳的輕便按摩器：「使用上，建議好似做穴位按摩一樣，做一分鐘，要唞一分鐘！」另外好多用家經驗之談，做呢類滾輪式按摩器時，可以好似做泰式Spa一樣，加點潤膚膏，皮膚會受更充份呵護之餘，亦無咁易因用錯力而按瘀！

防水發光震震按摩棒$298/a
■外形小巧，方便攜帶，就連等巴士時間都可享受按摩樂趣。

足部穴位護理按摩滾輪$198/a
■四行滾輪設計，可針對腳趾至腳面穴位。

浴室足部按摩器$238/a
■在最放鬆時間，用上防水會震動的足部按摩器，小心舒服到訓着。

電動按摩師　專打穴位

辛苦工作成日，好可能你已經唔想再出任何力，返到屋企淨係想攤喺梳化、疏乎吓，相信你未必會揀「自助式」按摩器！咁不如試吓請個按摩師返屋企！講緊係好似按摩師傅咁正嘅電動按摩機！日日廣告容祖兒都有講，嗰部按到人又痛又爽嘅OSIM「推拿腳肌」，有好多人都話有興趣，身為骨精的小記都親自一試，發現真係痛快！
「推拿腳肌」加入咗中醫穴位元素，設有腳底以及三面滾輪式按摩，針對刺激特定腿部經絡穴位，以促進血液和淋巴流動，實試感覺係所按穴位，比一般按摩機更中要害；舊式按摩機好多時都會感覺力度唔多夠，但「推拿腳肌」因為可以調校按摩強度，小記校到最高的強度，覺得下下要命，認真夠爽！