寶珠姐為是次演出做足功課，先後參看徐玉蘭、錢惠麗及林家聲的演出，她說：「參考佢哋演繹，邊啲適合我就放落去用。」而是次導演林錦堂要求極高，他不時與蔣文端各有己見，寶珠姐說：「相方會切磋，會講出自己睇法，例如蔣文端想改，會做出嚟畀導演睇，大家演出經驗唔同，未必同意，但會交換意見，有時導演認為需要改變，大家會互相交流，先至會令齣戲好睇。」
預咗辛苦
是次《紅樓夢》以正統的粵劇編排型式上演，寶珠姐認為與舞台劇的形式分別很大：「暫時唔可以話今次係最辛苦嘅演出，但諗起都會幾辛苦，因為家唔落幕，只係熄燈，轉佈景要好快，唔似以前有較長時間準備。演舞台劇亦唔代表輕鬆，兩樣壓力唔同。」舞台演出經驗豐富的寶珠姐坦言，不擔心現場觀眾沒反應，她認為上台演出就是希望做好自己角色，不會深究觀眾反應如何，如果這樣便不專業及會分心，如果演得好，觀眾便會投入，況且，每個觀眾的感受都不一樣。