【本報訊】這邊廂特首曾蔭權欲於退休後租住6,000呎豪宅擺放雜物，那邊廂數以十萬名貧民仍住在數十呎的板間房，甚至勉強蹲住籠屋、棺材房，每日與木蚤同眠，猶如人間煉獄。社區組織協會舉辦「住住先」攝影展，用相片展示基層舉步維艱的生活，控訴社會不公義。記者：袁慧妍
相片主角之一的梁太，一家四口住在不足40平方呎的板間房，丈夫因患小兒麻痹症而不良於行，一家人靠綜援度日。梁太說她沒空位睡覺，惟有在床邊闊一呎的「走廊」上，湊合幾張椅子當床鋪，「啲凳高低不平，瞓得唔好，搞到拉傷條腰同隻腳，試過痛到行都行唔到」。
「三年上樓是謊言」
高官大魚大肉，基層被迫吃素，「平時唔會買肉食，啲肉太貴買唔起，仔女營養唔夠」。梁太又指板間房衞生情況惡劣，要與鄰居共用廁所和廚房，去年她的子女因而感染猩紅熱，「畀隔籬個細路傳染，我個女塊面同喉嚨腫晒，透唔到氣，我差啲以為佢會死！」梁太說罷，忍不住拭淚。政府三年上樓的承諾是公開的謊言，「我哋申請咗五年，一次樓都未睇過！」
義務拍攝照片的攝影師程詩詠，30年前亦曾住天台屋，「估唔到30年後香港咁富裕，工廠大廈天台竟然有70戶居民！」程詩詠正職是商業攝影師，工作時影豪宅、名人，放工後影籠屋、基層，「好似天堂同地獄嘅分別」。
程詩詠會帶4歲女兒去認識基層生活，「有一次佢同班基層小朋友去食薄餅，佢返嚟問我點解有啲人未食過。個女雖然細個，但佢都會有感受，我想佢認識多啲基層生活」。
「住住先」攝影展於即日至本月14日於中環SchoeniArtGallery舉行展覽，費用全免；3月14日則舉行ArtWalk慈善活動，市民買票後可同時於另外65間畫廊欣賞展覽及享用美酒佳餚，成人450元，學生150元，詳情可瀏覽 http://www.soco.org.hk/artwalk2012/。