公立醫院真係錯漏百出，連累病人受苦嘅醫療事故唔好講，簡單到整個水牌，都可以錯漏百出。有心水清嘅市民經過東區醫院，發現其中一個水牌最少有三個錯處，不如讀者試吓搵唔搵到有乜錯。
八方就發現水牌嘅錯處，一係就寫咗錯別字，一係就寫漏字，一係就寫多咗字。好似「內科及心臟心切治療部」，將深切治療部嗰「深」寫成「心」；4樓嘅「內科綜合日間心」竟然寫漏咗「中心」個「中」字；「臨床腫瘤科科病房」就明顯寫多個「科」字。
雖然呢幾個錯處一般病人或探訪者未必留意，不過就十足十小學生默書寫錯字，令人啼笑皆非，八方認為東區醫院應該盡快更正囉。