【本報訊】梁振英競選辦核心出席「江湖人物」飯局，事件主角「上海仔」郭永鴻向傳媒爆料，稱不認識梁振英，反而在02年底在日本東京的酒店，在富商林建岳介紹下認識唐英年，而且之後「仲有下文」。林建岳昨否認事件，唐英年昨多番重申：「上海仔呢個人我根本唔識。」
唐聞女伴遊日即黑面
郭永鴻接受報章訪問表示，2002年12月22日在東京帝國酒店，經林建岳介紹認識唐英年，並暗示眾人「仲有下文」。據了解，郭永鴻向外稱，所謂「下文」是指有富商當時安排一些二、三線女星「接待」老友及同行者。
唐英年昨強調不認識「上海仔」，被問到當年是否曾遊日本，是否有女相陪時，他即時「黑面」說：「我放假時出外休假，去邊個地方唔關你事﹗」他又說，自己從來沒坐過別人的私人飛機出遊。
另一邊廂，身在北京的林建岳昨反駁：「我未介紹過『上海仔』畀唐生識，亦未約過『上海仔』去日本。我可能喺街度，酒店lobby（大堂）見到，食飯撞到過。呢樣嘢我真係唔記得，十年前嘅嘢，點解會喺選舉咁多事情發生？」
唐英年接受彭博新聞專訪時又表示，所有關於他的醜聞都已曝光，若他當選特首，將可輕裝上路，又指其醜聞屬個人層面，但對手梁振英的醜聞卻涉及公眾，並強調選沒有經驗的人做特首很冒險。