【本報訊】內地拐子佬入侵本港，全港家長陷入史無前例的恐慌！家長們各出奇謀，誓要趕絕拐子佬。《蘋果》昨報道有拐子佬在海港城搶女童後，隨即引來市民熱論，成為各網上討論區熱話，有家長揚言要用手帶綁實子女，並將「實況」上載至討論區分享。
聲稱將GPS植入孩子屁股
有家長在親子王國討論區貼文，表示以後上街要用手帶縛住自己及孩子，又或者買一個有安全帶的背包，方便「箍實」孩子：「呢條帶買嘅時候係因為想圈住個仔等佢唔好亂咁走，家呢條帶嘅意義大咗好多。」雖然有部份家長批評此方法殘忍，把小孩當成寵物，但事主一於少理，安全至上最重要。
有家長更疑「發晦氣」在討論區留言，聲稱要將GPS植入孩子屁股，即使孩子被拐子佬捉去亦可尋回：「生唔見人，死都要見屍！」可見家長非常緊張，亦恨極拐子佬。