舊立法會大樓每逢周三開大會，議員、官員都好鍾意喺會議室前廳吹水，箍票，好不熱鬧。不過，自從立法會搬咗去金鐘就此情不再。皆因新大樓地方大，加上議員辦公室喺埋大樓裏面，所以議員未排到發言，多數返office邊聽會邊工作，而寬敞舒適嘅前廳只得小貓三四隻。
官員成日私下呻搵唔到議員，立法會秘書長吳文華（Pauline）話要認真諗諗計，建議每逢周三大會，同周五內會，設happyhour時段，提供飲品同小食，吸引議員「回巢」，一來唔會浪費咗個前廳，同時方便官員游說議員，箍票等，一舉兩得。Pauline自言，希望退休前搞掂，仲可以考慮開放埋畀記者㖭。