香港的工業都死光了，不是嗎？80年代後，工業家都跑到內地開廠。KenjiWong不是工業家，他勉強是位設計家，但我覺得他更像一名生活家。這位煙抽得很凶的五代十國（WudaiShiguo）創作總監，打扮毫不時尚，家裏沒裝電腦，電視壞了也索性不修。他說這是回根（BacktotheRoots）──返到最基本處，把那種設計工藝的精神帶回來，這其實是很刺激的大躍進。
撰文：梁東
攝影：陳盛臣
部份圖片由：Lok（WudaiShiguo）/MikeChan（MCPhotography）/MoMing（AHardDay'sNightLtd.）提供
回根開店
這不能說絕後，但很空前。「五代」把設計事務所一分為二，一邊繼續接品牌設計專案，一邊以實體店輸出自己堅持的一套特有美學，店與設計事務所互相補足，希望吸引更多高質專案客戶。「簡單來說，想少接點客。」面對營運成本增，要繼續鞏固這副招牌，就要多接工作，但Kenji認為，工作多質素會被拖低，「慢慢會diedown，job其實只有行內知，街外人唔知，所以要靠shop來鞏固個brand。」開店給自己的designbrief，是回根。「Backtotheroots──唔使多，去返應該去嘅地方，未必係倒退，可以係質素向前。到底我哋應該reference（參考）邊啲生活？係所謂先進啲，返到屋企着晒電視、電腦，好多聲、好多嘢搞；定係靜靜哋，淨係有微弱嘅光線，夠你睇吓書，做啲基本嘢。我屋企唔用電腦，電視壞埋之後無埋電視，最後你發覺無都可以，同埋都唔寂寞。」其實哪裏寂寞，是孤獨，也是清醒了。「無乜邊個designhero係我好想做嘅，因為不停要幫人做嘢。」
門口手繪宣傳文案，向當年技術致敬。Workmanship襯firstclass，好像有點怪，不過事實上，以前人人也穿西裝，包括工人，物料可以用上粗麻布，手工一樣可以做得很好。
要大、有橋、引眼球、顏色配搭要搶，做過VM（櫥窗陳列）的人大概很有共鳴。這裏卻要gosmall，越subtle越好——想來見工嗎？自己上網找他們招sales的一張廣告看看，黑得誇張，感覺很地下。
店裏代表品牌有RalphLauren旗下的RRL、美國加州的MisterFreedom、來自澳洲的浴室產品、WDSGArt&CraftDepartment亦有引入復刻20世紀初的家具款式等。
直接
Haynes出版的Datsun修車說明書，保養非常好，ebay入手；後面那本是創立ChromeHearts的RichardStark相集，被Kenji稱之為「神級craftmenship」：「佢係typical美國佬，做木開始，一條line，一個十字架，好有霸氣，幾度都係嗰件短袖衫，同一條皮褲着十幾年。有一次葉童攞代理去太子酒店開店，我同Stark同枱食飯，佢隻手好黑，仲要用手食，完全無視一切。呢啲係直接、honest，佢作風影響到家我做緊嘅嘢。」
老車
貫徹老舊和機械的專注，Kenji開的是鮮橙色棍波DatsunFairlady260Z，1975年製，日本汽車製造業一代經典，當年成功打入美國市場。駕駛盤的轉向幅度小，轉彎時經常出現駛過對面線的狀況，足證以前馬路多麼寬廣，有趣。
英美日精粹
Kenji愛木、皮革、鴦走、開機車，是以色譜不闊，來來去去就那幾種泥泥的顏色，很美國。「我聽Nirvana，同時鍾意Coldplay，但鍾意美國Style多啲，英國嘢太有規矩性、太gentleman，我鍾意啲嘢爛溶溶，質感嘢。」表面上美國設計粗枝大葉，但他找到另一欣賞角度。「無乜好賣弄嘅嘢，表面好似好膚淺，好似以前啲musclecar，表面大大嚿，但其後啲人copy佢流線型設計嘅款式。唔知幾時開始，你見我着親啲嘢都係軍人用嘅嘢，比如袋：軍事設計全部好講求功能，物料要最好，details好着重，先可以用得耐。」迷還迷，Kenji至少不會完全植入，就算迷英國AceCafeLondon，總不會長boot、皮褲加皮褸等fullgear上陣。「日本文化比較容易入口，因為佢哋學唔晒美國德國嘅嘢，會自己融會再生，但我哋係咪一定整間中央圖書館，好似好威咁呢？點解唔好好用西方最精粹嘅嘢？無問題呀，本身都無根嘅。建築嘅嘢，勁嗰啲都係英國人design，唔應該ignore嗰啲嘢。」為甚麼喜愛ruggedstyle？「我好容易用殘啲嘢，我習性用嘢好粗，粗到不得了。我點樣可以愛惜嗰樣嘢？樣嘢本身要好舊，樣嘢郁一郁都會好脆弱時，我就唔識得愛惜佢。你畀個新電話我，我會亂咁掉，爆幾次，前後玻璃都會爆晒。」
視覺風貌
做RubberBand的artdirection容易，還是Mr.容易，大家心中有數，可是「五代」卻做出近年其中一個最有主題、最有畫面，和最夾樂隊形象和音樂的視覺風貌。「家design盡量keep返，可以改變到某啲嘢，另一邊廂，暗啞底，HiddenAgenda係滲緊自己想講嗰套美學去商業設計度，又唔知點解workwork哋。」這，是最重要的。
倉庫
「五代」的倉明顯跟普通倉庫不同，原來希望令craftmenship可以有型起來，做廠做工匠也非壞事，讓工業回歸香港。「推vintage嘢，係嚮往一齊親手做嘅過程，但唔係一兩件手作仔，可能係100對，100對都係一樣嘅quality。我哋參照西方做嘢模式，但點樣可以develop到一種精神，係做自己嘢，唔係假手於人。其實無嘢好假手於人，做到，係好基本spirit。」
WDSGArt&CraftDepartment
地址：灣仔聖佛蘭士街9號
電話：25283800
網址： http://www.wd-sg.com