前幾日渣打（2888）趁住三八婦女節贈興，搞咗個恒生指數企業女性董事調查，話香江女董事少之餘，增長又慢，搞到華華啲女權朋友幾唔開心。華華本來奇怪，冇理由做調查唔提自己間行，謎底終於解開，渣打亞洲區行政總裁白承睿（JaspalBindra）噚日話，佢哋一向重視男女平等，高級管理層男女已各佔一半。喔，原來仲有呢一着！
呼籲企業讓女性上位
Jaspal呼籲企業要多元，管理層都一樣，佢好自豪咁話，渣打高級管理層男女各佔一半，希望其他企業要畀多啲女性上位。同時，企業配合國際金融中心呢個美譽，即係要國際化，好似佢哋公司嘅員工有成百幾個國籍。渣打銀行前主席戴維思就話，好多研究都指，男同女睇危機都好唔同，有女人幫手，企業都perform好啲。哇，使唔使咁一唱一和先？