現今職業女性除咗喺職場上打得，返到屋企仲要入得廚房出得廳堂，真係唔容易。新世界趁噚日三八婦女節表揚呢班事業女性，佢哋向近千個同事派發紅棗包，公關同華華講，紅棗又名大棗，有補氣養血，健脾益胃，又有抗寒和美容功效，啱晒各位姊妹。紅棗包焗10分鐘就飲得，夠簡單。咁男同事點算先？公關話男同事都有份，佢哋可以將公司嘅心意轉送畀屋企人喎。