煲呔因為貪圖富豪遊艇、私人飛機招待，結果惹上貪腐之名，其實煲呔今次「出事」，早有迹可尋，全因政商界及官場皆知，煲呔以「貪小便宜」、「孤寒」聞名，知情人士引述兩件小事，足見煲呔「貪小便宜」、「孤寒」之性格。
唔係特首冇得享受
有知情人士稱，煲呔其中一項「著名」的「節儉」做法，是將禮賓府招待官員的小食餅乾，不斷「循環再用」，「通常會放喺度幾日，食唔晒就再用，直到真係變味唔食得先肯丟咗佢」，另一知情人士則說，煲呔最愛到內地省市訪問，但主要目的不是和有關省市打關係，而是想伺機享受「尊貴待遇」，「對佢嚟講唔係錢嘅問題，而係佢用香港特首身份去內地省市，一落機已經有首長級招待，又有專車、又有警車開路、又有該地官員設宴招待，有時有啲嘢真係畀錢都未必食到，日後再唔係特首就冇機會享受，咁就梗係有機會用就用」。
另一個故事有關立法會新大樓入伙，煲呔對立法會稱，有意送份「大禮」賀立會大樓入伙，原本立會以為煲呔會為新大樓「度身訂做」一份有紀念價值、有意義的「大禮」，正萬分期待之際，特首辦卻通知立會，叫他們在各省市送給香港回歸、仍未有任何政府地方或機構「認頭」擺放的賀禮中，自選一份當特首送出的「大禮」，立法會聞煲呔如此「物輕情義重」，實無言以對！
單仁