李泳豪爸爸李家鼎（鼎爺）曾火爆鬧楊思琦，但思琦昨日在微博公佈產下囡囡，已下火的鼎爺送上祝福，他昨日在電話中說：「我祝佢快啲康復，BB精靈，快高長大，真心恭喜佢㗎。」
思琦早前待產，有指她最終沒有向泳豪取回共同飼養的狗仔，鼎爺說：「應該冇啦，佢拎得啲狗去邊吖，仲有佢都唔喺香港，佢有咁好嘅老母，邊會關照呢啲嘢！」鼎爺言語間已放下對思琦的怨氣，但對思琦的媽咪仍十分不滿，他寸爆說：「總之個女有今日拜佢，我唔怕當住佢面講㗎！」鼎爺看到思琦生女，可會恨抱孫？他說：「話唔恨就呃你。」
泳漢：唔識祝福
另外，施明和大仔李泳漢前晚到中環出席活動，兩母子將在now合作主持節目《迷》。對於思琦生女，施明昨表示會送上祝福，她說：「做新抱都要睇緣份，唔好成日將唔開心嘢記住，自己都唔開心。」泳漢前晚卻說：「我唔識祝福，但唔會詛咒。」
採訪、攝影：比華利、魯萍