【記者譚志輝、梁琬珊報道】曾是搶包山冠軍的港版蜘蛛俠黎志偉，去年一場車禍導致下半身癱瘓，一度閃過自殺念頭，幸愛妻及快出生的兒子令他振作：「即使下半生喺輪椅度過，都要過得精采！」黎日前終嘗當父親的滋味，愛兒為他注入新力量，希望兒子將來可繼承心願，當個出色運動員。
在病房中，黎志偉戰戰兢兢抱起熟睡的兒子，先讓他挨在右邊手臂，不夠數秒又換手勢，顯得有點笨手笨腳，「如果可以企喺度，就容易抱好多！」他目不轉睛望着周日（4日）才出世的兒子說。太太阿籃的傷口仍未癒合，隱隱作痛，側睡床上看着兩父子是最佳止痛劑。
堅持鍛煉康復較預期快
三個月前一場車禍，黎志偉由運動健將，變成寸步難行的輪椅漢。他坦言最初萬念俱灰，一度想過自殺：「我問自己，點解搞成咁，點解係我？」然而想起愛妻及快出生的孩子，便立即振作起來：「唔想太太擔心。雖然未必照顧到佢哋，最簡單都可以自己照顧自己。」
兩個多月以來，黎志偉堅持每天郁動身體及做物理治療，康復進度比預期快：「家可以自己推輪椅過馬路、搭交通工具，又可以自己由床落輪椅同着衫，自己照顧到自己！」黎妻前午與兒子先出院，黎堅持送他們回娘家；只要待新居準備好，他便出院與妻兒共聚。
初為人父，黎志偉難忘第一眼看見兒子的情景。「佢同媽媽分開推出產房，嗰時見到個BB係咁望住我，我同佢四目交投，就覺得係呢個嘞。」新生命為他注入新動力：「我要活得更精采，我要做囝囝嘅榜樣。」
望初生兒長大當運動員
跟其他父母不一樣，半身癱瘓的黎志偉首次抱起兒子，並非看看餅印般的臉龐，卻是一雙腳：「見到佢手腳靈活強壯，大個一定好曳。」
黎志偉坦言希望兒子能成為出色運動員，完成自己未達成的心願：「家人一直反對我做運動員，以前政府又無咁重視，我條路好艱辛；如果佢想，我一定支持！」
黎志偉暫為兒子起名「耀天」或「傲天」，稍後會再請教大師意見：「希望佢開開心心，做個頂天立地男子漢，做個有用嘅人。」