曾有人戲言，生小朋友後無得過二人世界，別說去旅行，想靜靜兩個人吃餐好都難。其實香港不少酒店都有照顧小朋友設備，不單有playroom、看電影、繪畫，甚至有小丑扭波波一齊玩都得，令父母享受片刻清閒。
記者：林佩婷
攝影：黃子偉、伍慶泉、
Model：Angela、April、Lolo、Gigi、Christie、林冠騫
司徒卓 1歲11個月
我乜都鍾意食一餐，睇我食手指幾咁滋味，我仲好鍾意笑，所以個個見我都好開心！
玻璃屋兒童營
未能到外國旅行，可以選擇在香港的酒店住番幾日充充電，但若小朋友24小時貼身黏實，二人世界很容易又泡湯。沙田凱悅酒店位於大學站位置，四周有山嶺圍繞，感覺較遠離世俗似Resort，酒店於是設計出CampHyatt，當本地住客選擇奇悅住宿套餐，除有不同優惠，享用咖啡廳自助下午茶時，更有一系列的迷你小點。大廚以輕食為主，無論三文治、漢堡等又或甜品，都以迷你體積為主，連扒類都改成排骨、串燒等食材，令客人在品嚐多樣化美食同時，也不會過於飽肚。
保母陪住玩
媽咪們在hightea同時，小朋友也不用怕寂寞，只要預訂了兒童營，4歲至12歲就有專人陪他們到玻璃屋玩。屋外有滑梯及搖搖板，屋內則有各種康樂設施。愛動的小朋友有各種遊戲，如訓練手眼協調扭扭樂，以及考腦筋的大富翁、波子棋。就連較小的寶寶，也可在保母陪伴下，在帳篷波波池玩得哈哈大笑。愛靜的就可以欣賞熱門卡通片、又或聽哥哥們講故事，愛創作就可以玩泥膠或繪畫，以啟發思維。營內不單有簡單茶點，還有專為小朋友而設的兒童餐，低鹽少油的肉醬意粉和薯條，迷你漢堡和炸雞件，都是他們最愛的食物。飲品摒棄汽水而要鮮榨果汁，再配上色彩繽紛兒童餐具，肯定胃口大開。最後待媽咪吃飽嘆Spa後，也可以和子女們租用酒店單車設備，齊齊踏進吐露港單車徑，既能成親子活動，又可當下午茶後的減肥運動，一舉兩得。
沙田凱悅酒店「奇悅」住宿(37231234)
住宿價錢：單人$1,530起、雙人$1,860起（包咖啡廳自助早餐及下午茶、免費租用酒店單車兩小時、延遲退房至下午二時）
地點：沙田澤祥街18號
凱悅兒童營
時間：逢星期五至日及公眾假期，8am-10pm（一日前預訂）
價錢：一小時$100、四小時$350連午餐、八小時$650連午餐及小吃
周日Brunch小丑扭波
海風餐廳的周日早午自助餐，有廿款前菜、大量芝士火腿、還有傳統鵝肝、乳豬、羊髀，主菜則可四選一，當中入口即溶的燴和牛臉頰和蒜香味濃的波士頓龍蝦，愛享受更可加錢品嚐時令生蠔及Moet&Chandon香檳。小朋友除了有熱辣辣薄餅和即製意粉外，幾層高的朱古力噴泉肯定令他們愛不釋手。這個Brunch最特別設有兒童天地，舒適的豆袋梳化和軟墊，除有水彩繪畫外，還有各式各樣的Vtech益智玩具和互動學習遊戲，兒童電腦、迷你電子結他，邊玩邊學習，大一點還可以玩Wii，絕對緊貼潮流。不過講到最受歡迎，肯定是小丑哥哥邊扭波邊和大家玩，只見小丑不停扭出雨傘、單車、三眼仔，甚至大大隻的兔仔，輕易打動小朋友的心。
意國周日早午自助餐（27312870）
日期：逢星期日11:30am-2:30pm
地點：尖沙嘴東部麼地道70號海景嘉福酒店B2層
價錢：成人$498、小童$298
繽紛有「營」玩iPad
位於汀九帝景酒店特設了繽紛家庭樂住宿計劃，不單12歲以下小童免費加床、還可享用攝影禮卷，更可預訂室內小型遊樂房呢。逢周末下午茶（成人$158、小童$118）就以多元化作賣點，西式有自家製牛肉扒迷你漢堡和清香雅枝竹火腿沙樂美腸薄餅，東南方風情的泰式炸魚餅和春卷，不得不試的四十款甜品，魚子醬芝士餅、燕窩撻、脆口的芒果拿破崙，真是花多眼亂。小朋友則有度身訂造的有「營」定食（每份$68），主菜有香煎三文魚柳、肉醬意粉、牛油粟米粒和西蘭花，配上鮮榨果汁及朱古力蛋糕，當然貫切澱粉質和其他均衡營養及少鹽少油的宗旨，吃得健康。餐廳更特地提供少量iPad給小朋友玩。
繽紛家庭樂住宿計劃（37162888）
住宿：豪華客房星期日至四$968、星期五、六、公眾假期及前夕$1,168
地點：荃灣汀九青山公路353號帝景酒店