溫碧霞、陳偉霆、曾國祥及詩雅昨日於上環濟公廟外為新片《紮職》舉行開鏡拜神儀式。僅穿上tubetop及外套的溫碧霞，引來途人圍觀拍照，戲內扮演黑道中人的她，坦言年輕時曾加入黑社會：「細個好壞，成日去wet，仲跟咗個大家姐，不過就冇燒黃紙，只係口頭講話跟佢。」
溫碧霞指當年曾有不少朋友引誘她吸毒：「好多朋友叫我試，但我見過有朋友因為食丸仔而死，所以唔敢試，我覺得每個人都有經歷，本質係好嘅點都唔會學壞。」
陳偉霆被問及女友蔡卓妍要到昆士蘭拍戲一事，他竟稱毫不知情，不禁令人懷疑二人感情有變：「唔係，感情正常，只係想大家留意我哋工作，所以少講。」
採訪：譚倩宜
攝影：黃偉雄