陳法拉、郭晉安和陳敏之昨日到觀塘宣傳無綫劇《東西宮略》，對於楊思琦宣佈誕女，法拉和敏之獲悉後即時恭喜她，法拉說：「其實可以正面啲去睇，應該恭喜同支持佢，任何人做媽媽都好偉大。」
敏之也說：「我同思琦住埋同一個屋苑，喺半年前同佢食過飯，但係佢冇提自己近況，後來先知道佢有咗。」會否覺思琦很大勇氣？她說：「每個人做媽媽都好偉大同有勇氣，最緊要佢開心。」同場的黃智賢說：「我喺微博見到啲內容好開心，最緊要母女平安同佢開心。」郭晉安認為思琦應該已處理完畢才公佈喜訊，他認為應該要給予充足時間照顧小朋友。
郭晉安怒斥拐子佬
此外，郭晉安對於香港近日出現拐子佬，他勞氣說：「真係要小心睇住小朋友，如果捉到呢啲人應該要處斬。」
採訪：何慧斯
攝影：林德雄
