升班馬白禮頓已回復季初的勇態，一對前鋒馬卡爾史密夫及艾殊利班尼斯亦重拾射門鞋，在周三的英冠聯迎戰不擅作客的卡迪夫城，平手盤當取白禮頓。
白禮頓今季以英甲冠軍身份升上英冠，季初表現係威係勢，更曾一度升上榜首，但之後球隊無以為繼。不過，白禮頓近仗表現明顯復勇，近10場聯賽共6勝4和，令聯賽排名亦重上第7位，有機會爭3至6名踢升班附加賽；加上一對前鋒馬卡爾史密夫及艾殊利班尼斯亦頻有入球，今迎卡迪夫城，可以看高一線。
韋咸「屈」機小勝格
卡迪夫城雖然只少白禮頓1分排第8，故同樣要搶分爭踢升班附加賽；但球隊今屆作客表現麻麻，近6場聯賽作客更僅一勝，而前鋒基斯泰迪又於上仗勇戰受傷，今役不宜高估。
至於韋斯咸要力追榜首的修咸頓，而且人腳又優於周三對手屈福特，這3分相信冇走雞，不過，鑑於韋斯咸近4場主場聯賽勝仗全部「僅熟」，今役不妨博他們[-1]開「和局」。文：吾中
混合過關
星期三15白禮頓（平）x
星期三16韋斯咸和[-1]（3.4）2x1