生兒育女奇招古怪補身事件特別多，丁子高楊千嬅的吊環甫士笑爆嘴，LisaS.完事後戙高腳也有醫學根據。AmandaStrang也有意加入媽媽行列，近期正努力增磅，吃冬蟲草調理身體，更自創「冬蟲草三文治」補身健體法，一日三條！
李心潔、AmandaStrang和苟芸慧等昨日在中環，出席SK-II護膚品活動，三人一身純白連身裙，非常有春日清新氣息。AmandaStrang顯得有點倦，她透露近日忙於打點餅店，連員工出糧等文件也要親自做，相當疲倦：「其實我肥咗五磅㗎喇，想要盡量肥少少，因為想生BB，肥咗陀BB好啲。」問她生仔日程？她謂正一步步準備：「家做多啲運動先，慢慢嚟，冇食中藥，中藥好麻煩，要食好多次，又唔好食，食到連蛋糕試味都有中藥味。」
一日三條
Amanda謂近期開始吃冬蟲草，但吃法相當奇特，是冬蟲草夾麪包，一日三條，她說：「媽咪係台灣人，佢話咁樣係addenergy，好貴呀，入老公數。」她謂與老公一齊分享：「每晚冲水，焗一晚，第二日飲咗啲水，冬蟲草就夾麪包食，一日三條，老公都有食，佢話真係多咗energy跑步。」
心潔隨意
李心潔婚後的生育計劃，就相對比較隨意：「有計劃吓，可能要拍片，拍完就生，真係順其自然啦，老公都有個女，都OK囉。」記者指她拍片一部接一部，工作不斷，似乎生育遙遙無期，她有點不好意思說：「會下定決心㗎喇。」不過，話口未完就表示計劃出音樂專輯，覺得城市人負能量太多，希望帶出生命的美好。
採訪：林嘉慈
攝影：陳慧安
