喺上周五，車路士練習場嘅更衣室俾人放煙霧彈，車仔話會立即展開調查。調查結果日前已經有，原來喺兩名預備組球員美利斯及克里福一時貪玩，買咗個煙霧彈，仲喺更衣室引爆埋。車仔已經立即將兩人停賽，據講仲好可能逐佢哋出隊。其實佢哋都係好有潛質嘅球員，如果因為咁而毀咗前程，就真係唔抵喇。