【本報訊】雖然關心香港生態及都巿規劃的人士擔心自駕船計劃，會令香港不勝負荷，但船東們卻非常期待。
著名賽車手呂米高（圖）近十年從事遊艇生意，「我本身反對自駕遊，大陸司機真係亂嚟，好危險。不過船唔同，個海咁大，唔會好似馬路咁逼，應該唔會有問題，以後可以揸船去大陸唔同地方玩，最好係去玩唔使住酒店。」
他相信，自駕船計劃對大陸富豪的吸引力更大。「香港好多地方好靚，設施又多又好，水又乾淨。我哋啲水上垃圾都係由大陸飄嚟，大陸水域真係好多垃圾，我相信大陸啲富豪會鐘意揸船嚟玩。」
雷雄德歡迎開放水域
熱愛參加帆船比賽、與朋友共同擁有一隻帆船的浸會大學體育系副教授雷雄德也歡迎兩地政府開放水域。
不過，雷雄德卻認為自駕船計劃未必受香港及內地富豪歡迎，「有興趣北上嘅香港船東為數不多，南下對大部份大陸富豪嚟講又太辛苦......揸船去海南島要成一日，去青島要兩日，飛去好過啦。」