猶記得曼聯嘅南韓中場朴智星喺2006年出版嘅自傳中，話細個嗰陣佢爸爸煲田雞湯佢飲，所以佢先咁強壯同夠氣。估唔到就係因為咁，佢成為南韓一個環保組織嘅邀請對象，想佢推動保護青蛙。嗰個叫「青蛙之友」嘅組織話喺三肺星嘅自傳面世後，對青蛙及蟾蜍等嘅非法捕獵大增，所以佢哋好想三肺星企出嚟，教育公眾兼保護青蛙喎！