【本報訊】加時半句鐘成交反縮，港股「戇」Call30分鐘！在經紀業界多番抗議下，港交所（388）企硬如期在昨天實施第二輪加時，惟恒指跌市贈興之餘，午後交易時間多半小時，成交額卻不增反減，經紀繼續怒吼！
記者：林靜 高淑嫻
港股交易時間昨再延長半句鐘，以往午後1時半開市改為1時，即中午休市時間僅1小時。不過，大市昨開市一小時後旋即急瀉贈興，全日報跌296點（1.38%），成交額按日更跌約5.8%至577億元，單計加時後的午市更形慘情，按日減約18%至約275.4億元。港交所去年3月7日起，以接軌A股為由實施首輪加時，不過即使每日交易時間多1小時，港股交投未見因而活躍，至今日均成交額僅約675億元，按年減少3.2%。
香港投資者學會主席譚紹興表示，加時令投資者交投時間更具彈性，但不代表會增加成交，影響只為中性，但卻反而大大影響經紀業界生態。觀乎昨日第二輪加上的半小時，市場交投意更薄弱。據本報統計，港股昨午後首半句鐘，交投僅約38.6億元，或佔全日成交的6.7%。不過，對上9個交易日，大市午後頭30分鐘平均成交57.5億元，較昨日多近五成，佔整體成交平均約8.8%，反映港股午後再加時，投資者反應冷淡。
半數經紀 返回公司遲到
記者昨日在證券行觀察發現，大部份經紀或散戶仍未適應新交易時間，外出用膳的經紀不約而同指要「趕回來」，準時下午一時前返回崗位的經紀更不足半數，但電話卻已不斷響起。有經紀更不諱言指，即使午飯時間如何縮短，他亦會堅持兩小時午飯的原則，「而家有手機咪OK，要做啲客主動搵你，先搵到食㗎！」
譚紹興指現時業界怨氣好大，「經紀梗係媽媽聲啦，好多行家喺鏡頭前就無事，背後就XYZ啦」，以他做期指為例，12時半已經開市競價，實際食飯時間僅餘半小時，對身心均有影響。他補充，措施只會受惠以電子交易為主的證券行，並已聽到部份朋友「唔想撈」，相信小型經紀行的結業浪潮會陸續有來。事實上，即使加時昨已成定局，但證券業界抗拒之聲仍大，昨午再發起示威遊行到港交所，指摘當局沒有認真接納業界意見，有違誠信。
「李小加搞到我哋好冇癮」
記者所見，昨日證券行內的怨氣的確沉重，多名經紀批評當局一意孤行，「生意唔會多咗，但就浪費資源，得個睇字，好多都做到好晦氣。」有經紀更直言，「要接軌就要接準啲，同內地一齊三點收市啦！」有人更將予頭直指港交所行政總裁李小加，「死牛一面頸唔理人，完全冇香港文化，搞到我哋好冇癮！」
經紀心聲
加時冇意義 杜先生
「食飯時間肯定無咁鬆動，以前一盅兩件，家就難咗啦！啲客唔會因為時間多咗炒兩轉，其實市旺自然交投多，而家個市又冇波幅，開四個鐘定五個鐘又有咩意義？！」
焗住帶飯盒 呂先生
「自從上年加時後已經要焗住帶飯盒，出去食一來一回已經無咗廿分鐘啦，仲要預咗時間睇新聞睇報告。其實加時只影響中小行生意……覺得個措施考慮得唔夠宏觀！」
