【本報訊】上周三才離開無綫電視的陳志雲，以特首選舉將至、臨危受命為由，重返商台出任行政總裁，揚言帶領商台追擊最新戰情。曾稱離開無綫後計劃遊學的陳志雲昨說，不排除在商台開咪，甚至與副主席俞琤一起任主持。記者：黃君怡
前年捲入涉貪案的無綫前總經理陳志雲，去年11月以遊學為由，向無綫請辭。當時有傳他會自組公司製作《志雲飯局》，也有指他會倒戈効力王維基或李澤楷旗下的免費電視台，但他的最終意向昨日揭盅。在商台副主席俞琤游說下，陳志雲決定重返離開18年的商台出任CEO，昨日即時生效。
陳不排除做主持
俞琤昨率高層及《在晴朗的一天出發》主持出席歡迎陳志雲歸隊儀式。
被問到為何選擇加盟電台而不是電視台時，陳志雲解釋：「好多時同YT（俞琤）交流時局意見，呢個邀請念頭想法係呢幾日發生，回應時局需求，絕對來得比我去遊學更重要，所以不需詳細考慮就應承咗。我會同台前幕後所有精英，為香港市民服務，做應做嘅事，講應講嘅說話。」
他又不排除做主持，「喺呢個獨特嘅時候，唔單止我，台前幕後都會挺『聲』而出。」又說：「用我嘅經驗，同商台嘅經驗，同精英們搵出更多事實，全面發揮，將市民嘅意見表達。」
陳志雲表示原打算昨日為牧師林以諾擔任最後一場演出的嘉賓後，到德國遊學，現因重返商台，遊學計劃押後。他形容心情興奮又矛盾，「我放咗家務助理一個月假，當我噚日同佢講，我會擱置遊學，但佢話要如期離開香港返菲律賓。呢個係我加入商台最大犧牲，但喺呢個大時代，唔算係乜。」
陳志雲已知會無綫其去向，「正式合約上係唔需要，但我同無綫關係好，噚日我已搵唔同嘅人交代我去向，梁乃鵬，方逸華、陳國強、李寶安，佢哋都知道。」
任期至特首上任
談到陳志雲歸隊，俞琤形容進展「急劇」，「念頭上星期四同志雲提出，呢個想法用好短時間確認，薪酬細節待遇稍後先講。」雖然陳表示任期暫定至新特首上任為止，但俞琤望他屆時繼續留任：「家大家置身渾沌時代，大家感到好沮喪、無助、困惑困擾，愛香港嘅人需要志雲呢個有才智之士，回應時代需要。」
商台上任CEO為俞琤，04年她轉任副主席後職位一直懸空。對於陳志雲重返商台，無綫外事部副總監曾醒明昨日回應：「陳志雲三月一正式離職之後，再做其他機構係佢個人選擇，之前佢同公司講過，兩年內唔參加電視台工作，如果其他媒體好似電台咁，無綫會尊重佢決定。」