雲想衣裳：亂世英雄　灣仔崛起

近年的隱世小店越開越多，縱然很多人認為小店的生命短暫，但活着的意義並不在於長短。這些小店的背後，其實是代表着一群熱血青年，為夢想而奮鬥的故事。設計團隊「五代十國」由替客人設計，到今天成立了自己的店WDSG，體現了年輕人愛打一場不後悔的仗的決心！

記者：陳子穎
攝影：陳盛臣
模特兒：Sam@StarzPeople

■Kenji話呢間舖除咗人唔賣，你見到的都可以買！

歷史「五代十國」聽得多，換了朝代，今日的「五代十國」是一支業務廣泛的設計團隊。從為不同Artist設計CD封套、演唱會、網頁設計、室內設計、品牌創作等，一切關乎設計的事宜都涉獵得到。他們雖然來自五湖四海，各自主理不同範疇的設計工作，但因為職業是設計師，而促成了彼此的合作。「做Design的人來來去去都是那一群，有時我們聚埋食飯，一圍枱講緊有十二間公司，情況就好似歷史的『五代十國』。後來大家也想團結起來做點事，就正式有了『五代十國』。之前我們主力做後援的設計工作，對象是行內人和客戶居多，決定成立呢間LifestyleStore，是希望令不同層面的人都可感受到我們的生活態度。」

■WDSG主理人之一Kenji自己本身也鍾情美式傳統服裝，「開了舖之後才發現原來有咁多知音人，證明唔係個個香港人都咁Commercial！」

■入到WDSG，你唔會有一種好強烈的消費意慾，而係感受到一種喺香港感受唔到嘅Lifestyle，這正是WDSG想營造的氣氛。RRL粉紅色條子恤衫$1,790、RRL卡其褲$1,440

WDSG是五代十國第一個對外公開的Project，只是路過門口，好自然就會被那種久違的Vintage、又帶悠閒的裝潢引你進去。也許是，這種極之寫意的店舖，在寸金尺土的香港已經買少見少。「今次開舖的原因主要想賣一些我們喜歡的東西，希望大家入來可以感受到個氣氛，而且帶到我哋嘅Lifestyle走。我哋唔想將消費放喺大前提，但係店內嘅東西，除咗人唔賣，你見到的都可以買！這些東西既是店舖擺設，亦係貨，很多VintageChair、家品都是從世界各地搜購回來，部分再經我們Reproduction。另外，亦有售賣少量我們很喜愛穿的兩個牌子RRL和MisterFreedom。」

■MisterFreedom藍色條子恤衫$1,980、MisterFreedom牛仔褲$2,280

■MisterFreedom藍色暗間恤衫$2,880、MisterFreedom牛仔褲$2,280

■這裏陳設的家具和擺設都是專人從歐美搜購回來，獨一無二。Vintage百子櫃$11,980

■WDSG近門口置雖然擺放了一張工作枱，不過配合Vintage式裝潢，感到的是寫意。

■WDSG的PriceTag和NameCard全部都用人手寫和逐張加工，製造陳舊效果，認真一絲不苟！

■生活用品入貨準則唔只要SellOrganic，Package亦要夠Plain&Simple！

講開小店，凡有特色的小店，很多時都逃不過一些現實問題如舊區重建或加租而被迫結業的厄運。反而Kenji在這方面比較有野心，「最理想係集合唔同小店嘅店主買棟樓，好似大企業咁做大佢。我哋揀喺小街開，堅持唔入ShoppingMall就係唔想做到咁Commercial。香港人係現實，但都需要呼吸新鮮空氣。」人最大的滿足是做到自己喜歡的事，再用自己能力去感染身邊的人。慶幸今日有現代版「五代十國」的出現，令本來群龍無首的商業社會出了一個亂世英雄！

雲想衣裳：亂世英雄 灣仔崛起

雲想衣裳：亂世英雄　灣仔崛起