文頌嫻（文女）和拍拖三年的圈外男友Jason前晚在四季酒店舉行婚禮，並宣佈有喜三個月。姊妹團中的周家蔚和姚樂怡輪流出嫁，未知幾時到湯盈盈和錢嘉樂這一對，文女昨日電話中說：「唔使催佢哋啦，嘉樂都話咗最遲後年。」問文女是否到她生仔時，盈盈便結婚？她說﹕「我今年生喎，冇咁快，家都未收到通知。」
滴酒不沾
前晚喜宴期間，文女滴酒不沾，但在台上被曾志偉玩，她笑說：「佢哋搵咗班男人印咗好多唇印，叫我認番邊個係我老公，我揀咗個最豐厚嘅嘴唇，點知原來係獎門人（曾志偉），仲要罰我錫咗佢塊面一啖。出場同宣誓我都忍住冇喊，但講誓詞時見班姊妹喊，我都忍唔到。」一對新人在婚宴上進行註冊，雙方交換結婚戒指及親吻，場面溫馨。
採訪：汪芷寧