前阿仙奴瑞典中場龍格保（圖）早前先獨家替我哋貼波，貼中咗兵工廠喺英超聯主場擊敗熱刺，家陣佢可能仲好快會跳入英國公仔箱㖭！因為據報之前同日聯球隊清水心跳解咗約嘅龍格保，其實一直係英國真人騷《CelebrityBigBrother》嘅粉絲，而喺新一季個節目就打算邀請佢參賽；據有關方面講，邀請龍格保係因為佢唔單止受女性歡迎，亦係好多同性戀者嘅偶像，如果佢參賽，收視率一定會大增喎！