許穎（Phoebe）、鍾一憲和麥貝夷昨在九龍灣為婚妙影樓擔任代言人，她們穿上多套婚紗行騷，其中Phoebe更套套谷胸賣大包，而她的緋聞男友石油王子方先生不避嫌現身在台下撐場。
日前Phoebe和方先生被拍得在蘭桂坊一同夜蒲，方先生例牌否認緋聞，他表示跟Phoebe並非拍拖：「佢唔係我女朋友，當日只係撞到，件事令到我女友唔開心，又影響到我工作，本身我都係好低調嘅人，平時同佢唔多聯絡。」至於Phoebe則表示不知對方到場，但雙方口徑則有偏差，她透露被拍到一同夜蒲後雙方仍有聯絡，Phoebe戥對方被傳媒追訪慘：「冇諗過佢會成為目標，其實我都仲有好多選擇。」是否感情生活dry而獲老闆介紹筍盤？Phoebe撒嬌說：「爆人哋dry，我都有人追㗎。」
採訪：卓寶花 攝影：陳俊強
